Patay ang backhoe operator human aksidenteng nahulugan ug vibro hammer samtang nag repair ug backhoe sa usa ka construction site sa Davao del NOrte.
Base sa imbistigasyon sa Asuncion Municipal Police Station nga gipangunahan ni P/CPT Fil Anthony Manlatican, Officer Incharge, naila ang biktima nga si Rolando Balani Dula, 34 anyos, minyo, backhoe operator, residente sa Bobongon, Sto. Tomas, Davao del Norte
Sumala sa witness nga si Jean Andig, residente sa maong lugar, nga samtang iyang gihinabi sa construction site nga nahimutang duol sa Saug River ang biktima kalit nahugno ang vibro hammer sa giayo niini nga unit nga Hyundai Backhoe nga iya sa Alfrego Builders and Supply nga gipanag iyahan ni Alfredo Go, residente sa Doña Vicenta Village, Torres St. Bajada, Davao City.
Sumala pa, actual nga nasaksihan ni Andig ang pagkahagsa sa vibro hammer tumong gayud sa ulo ug ubang bahin sa lawas sa biktima nga maoy hinungdan sa iyang hinanaling kamatayon.
Gidagan pa ang biktima sa Asuncion Municipal Municipal Medical Center apan gideklarang patay sa mga mananambal.
Gitambagan ang pamilya sa biktima nga ipailalum sa otopsiya ang patay’ng lawas niini apan nagdumili ang pamily rason nga gidala ang patay’ng lawas ni Dula sa purenarya.