TUTUKAN sa kapulisan sa GenSan ang pipila ka mga minor de edad nga nasita ug na-rescue nila nahitumpawak sa solvent nga rugby.
Matud ni Police Col. Nicomedes Olaivar Jr., director sa GenSan City Police Office (GSCPO) sa pagpatrolya nila matag gabii pipila ka minor de edad nga naglatagaw ang nasita o na-rescue. Dugang ni Olaivar, gipangeta nila kining mga nagagamit og solvent ug mga minor de edad nga nagbaligya sa ilang pagkababaye.
Luyo niini sa operasyon, naa gihapon ang presensiya sa mga nasangpit nga nagalatagaw. Makig-alayon ang GSCPO sa mga barangay asa gikan kining mga kabatan-onan, LGU ug sa mga establisimento nga dili mobaligya og rugby sa mga minor de edad. Miapela usab si Olaivar sa mga ginikanan nga hugot bantayan ang ilang mga anak nga matabangan sila aron malikayan nga magumon sa iligal nga droga o aktibidad. I Richel Gubalani