GIKUMPIRMA sa tigpamaba sa OSCA Gensan nga human sa ilang opening program may mga aktibidad pa nga lauman ang mga senior citizen hangtod sa biyernes.
Lakip sa nakahan-ay nga aktibidad ang stakeholders congress, Larong Pinoy Competition, chess, dama, sungka, amateur singing contest ug choir competion ug daghan pa nga pasundayag gikan sa mga edaran.
Gihingusgan sa tigpamaba nga matag-adlaw adunay highlights sa ilang mga aktibidad hangtod nga mahuman ang selebrasyon.
Si Tarcila nga usa ka senior citizen ang wala nakapugong sa iyang kalipay gumikan sa mga benipisyo nga ilang ginadawat ug walay labot nga ginahatagan na og igong pagtagad ang ilang hut-ong sama na lamang sa ilang ginasaulog karon
Dugang pa niini nga nalipay sila tungod nga dili tanang adlaw selebrasyon maong pinaagi sa maong kasaulogan makapartisipar sila sa mga aktibidad nga gihanan-ay sa ilang mga opisyal.
Nasayran nga ang ‘Linggo ng Katandaang Filipino ang ginasaulog matag unang adlaw sa Oktubre hangtod sa 7 sa matag tuig pinaagi sa Proclamation no. 470 nga gipirmahan ni kanhing Pangulong Fidel V. Ramos.
Samtang tema karon nga tuig ang “Resilience of Older Persons in a Changing World” I Danny Casi