LEGAZPI CITY – Bako gabos na barangay sa syudad nin Legazpi, igwa nang permanenteng Materials Recovery Facility (MRF).
Segun kay Benju Calleja, namamayo kan Legazpi Office of City Environment and Natural Resources (OCENR), nag-iinguwa na an mga barangay sa syudad na makahanap ki lugar na pagbubugtakan nin MRF para sa mga nalalapa o dai nalalapa na mga basura.
Kadaklan su boot sa mga barangay, nagsusubli sana ki daga asin nag-aarkila tanganing magkaigwa kaning nasambit na pasilidad.
Sinabi pa ni Calleja, an paghanap ki lokasyon para sa MRF, very challenging para sa mga baguhang opisyales de barangay.
Dugang pa kaini, dae man nagpapabaya an mga barangay sa pagkolektar nin basura alagad dae maibetaran na pirming pano an saindang MRF huli sa mga nakalihis na selebrasyon.