BICOL – TINAWAN LINAW kan Department of Health – DOH-Bicol an nagkapirang mga isyu asin kahaputan katakod kan pagbabakuna kontra covid-19 sa mga kabale sa A4 Priority Group.
Magigiromdoman na kan nakaagin aldaw kan pormal nang binuksan an pagbabakuna sa mga kabale sa nasabing priority group sa paagi kan sarong Symbolic VacciNATION.
Kabale sa Priority Group A4 an mga empleyado sa pribado o pampublikong sektor kan gobyerno at informal sector siring kan self-employed individuals pati na an mga nagtatrabaho sa pribadong sector siring kan caregiver o kasambahay.
Siring man piglinaw kan DOH-Bicol, na prayoridad sa Phase 1 kaini an mga lugar nguna na igwang halngkaw na kaso nin covid-19, partikular an NCR+8 asin pagkatapos saka maarangkada an Phase 2 sa rehiyon asin iba pang parte kan nacion.
Mantang mapadagos man an pagbabakuna sa mga kabale sa A1, A2 asin A3 priority group sa ibang mga probinsya asin LGU na dai kabale sa NCR+8.
Oras na punan an vaccination roll-out para sa A4 priority sa rehiyon may mga idedesignar soboot na mga lugar kun saen pwedeng magparehistro tanganing makabale sa masterlist kan DOH.
Sa huri nagpagiromdom an health department na an brand o tatak na bakunang makukua an nakadepende pa man giraray sa kun ano an available sa nakakasakop na LGU asin sa naging pag eksamin kan healthcare provider sa isasagibong screening.