LEGAZPI CITY – Nagpagirumdom an mga lokal na gobyerno kan Daraga asin Camalig na magin marikmat sa mga nagbabyaraheng tren kan Philippine national Railways (PNR).
Sa intrevista kan Brigada News FM Legazpi kay Daraga Public Safety Office (PSO) Public Information Officer Lorenzo Bañas, sinabi kaini na nagkapira sa mga parte kan banwaan igwang riles na pesenteng pig-aagihan nin tren iyo an Bañag, Culliat, Bongalon, Market site asin Bagtang.
Mientrastanto, sa Camalig, pinagirumduman man na magin marikmat an mga barangay na igwa nin riles kaibahan an Tagaytay, Gotob, Taladong, Comun, Binitayan, asin Bariw.
Katakod an mga pagirumdom na ini kan mga insidente kan pagkakaligis nin tren sa probinsya.