LEGAZPI CITY – Interesado an nagkapirang mga piloto nin paramotors na magtukdo sa mga Albayano nganing makanuod sa pagpipiloto.
Segun kay Eric Diaz, head kan 1st Magayon Festival Paramotor Airshow, pigpaplano kan grupo na magtindog nin eskwelahan sa mga gustong magin piloto, kun tutugutan ini kan Provincial Government asin susuportahan an saindang mga kinakaipohan.
Obheto kan grupo na magkaigwa nin bagong piloto tanganing maipadagos an mga aktibidad asin makakatabang pa sa pag-uswag kan turismo asin ekonomiya kan probinsya.