LEGAZPI CITY – Uminabot na kasuudma an nagkapirang mga bise-gobernador sa siyudad nin Legazpi para sa 96th National Assembly kan League of the Vice Governors.
An mga mga bise-gobernador, gikan sa manlain-lain na mga probinsiya siring kan Zambaonga Sibugay, Dinagat Islands, Laguna, Aklan asin iba pa.
Sa intrevista kan Brigada News FM Legazpi kay Albay Vice Governor Glenda Bongao, piglalaoman na doble pa an mapasiring sa siyudad huli ta kaiba man an saindang staffs o pamilya.
Segun pa kay Bongao, sa national assembly, magkakaigwa nin plenary session mapadapit sa updates, mga programa asin proyekto sa bilog na taon.
Apwera digdi, pag-oolayan man an manungod sa mga programa o aktibidad siring kan update sa proyektong National Anti-Poverty Commission (NAPC).
Mientrastanto, segun kay Bongao, dakulang tabang sa turismo kan Bicol an pagbisita kan mga opisyales nin huli ta maisho-showcase an kultura, arts asin mga pagkaon sa rehiyon. | Brigada Intern FRANKLIN BANAYO