GALUNGSAD og panakop o pagpanita sa lokal ug public transportasyon sa Brgy. Nailon Tudela Misamis Occidental, nga nahitabo karong adlawa, Hunyo 3 ning tuiga.
Gipangunahan ang One Time Big Time Operation sa HPG kun High Patrol Group, inuban sa LTO sa Ozamiz District Office dinhi sa Misamis Occidental, diin mialayon usab ang Tudela Municipal Police Station ug ang LTFRB Misamis Occidental.
Kadaghanan sa mga nasita mao ang wala pag-taod sa Seatbelt sa sakyanan, No License ug expired OR/CR. Apil na kadtong wala misunod sa Health Protocols, sama sa pagsuot og facemask ug pagmintinar sa social distancing ilabina sa public transfortation.
Matud pa, nga kanunay na kining ginabuhat sa HPG ug LTO dinhi sa Probinsya sa Misamis Occidental sa mga nagkalaing-laing Lungsod ug syudad subay sa kamanduan nga gipagawas sa Central Office.( Jean Ruben)