HUMAN ang kalingawan sa kulminasyon sa selebrasyon sa 25th Tuna Festival ug pagdagsa sa mga nakiselebrar, nagbaha usab ang mga basura sa palibot sa basinidad sa Gensan Roxas Night Market hangtud sa Pioneer Avenue.
Si Nora usa sa mga street sweepers sa Gensan ang nagkanayon nga dungan sa iyang sayo nga pag mata sa kadlawon nibungad kaniya ang daghang basura sa tunga sa kadalanan.
Samtang pipila usab ka mga stall owners ang nag inisyatibo na nga mag hinlo sa ilang tugkaran sayo sa kabuntagon aron malikayang makamulta. Naabtan pa sa news team ang nagtapun-og nga mga sinakong basura nga takdang kolektahon alang sa pormal nga pag depose niini. I MJ Fernandez