Nasunog ru naka park nga tricycle sa Sitio Pawa Brgy. Mantiguib. Makato, Aklan kaina’t tungang gabie, May 28.
Sa imbistigasyon, gina panag-iyahan ru nasunog nga tricycle ni Leonil Morales, sa legal nga edad ag residente it nasambit nga lugar.
Nakibot ru mga residente sa lugar kat mabati-an nga matsa may naga biti ag nakita ru naga daba daba eon ru tricycle.
Sa record it Bureau of Fire Protection (BFP)-Makato, gina banabana nga naga-abot sa haeos P30 mil nga kahalitan it sunog.
Gin deklara it BFP-Makato nga sa 1st alarm ru sunog ag na fire out alas 12:42 sa aga-aga.
Indi pa matumod ru gin halinan it kaeayo sa nasunog nga tricycle.//MARIVIC Y. ILIN