Nakaluwas gikan sa tinong kamatayon ang usa ka 51-anyos nga lalaki human kini gipusil og naigo sa aping pasado alas onse sa buntag kagahapon sa Purok-1, Brgy. Poblacion, Sulop, Davao del Sur.
Base sa report sa kapulisan, mihunong kadiyot sa merkado aron mopalit og karne ang biktima ng si Carlito Magbanua Cabije, minyo nga residente sa Purok 5, Brgy. Bolton, Malalag kuyog ang igsoon.
Kalit na lang gipusil sa duha ka wala mailang kriminal ang biktima nga naigo sa tuong aping og nanibat sa aala masayring dereksyon.
Gidala sa Davao Sur Provincial Hospital apan gibalhin sa SPMC dinhi sa syudad samtang narekober ss crime scene ang mga basiyo sa kalibre 45 nga pistola. Blangko pa ang Sulop MPS kung unsay motibo sa pagpamusil apan nagpadayon ang gihimong follow-up investigation ug hot pursuit operation batok sa mga suspek.
