Tugpa sa prisohan ang lima ka mga indibidwal human nga aktong nadakpan sa gipahigayong joint operation sa DENR-CENRO Davao ug Philippine National Police Maritime Group sa pagpanguha og ‘kabog’ o flying fox sa Barangay Wines, Baguio District, Davao City bag-ohay lamang.
Ang maong operasyon natigayon human nga dunay nagpahibalo sa illegal nga hinimuan sa mga dinakpan sa lugar sa Wines ug Gumalang.
Kasamtanga, anaa gikustodiya sa Baguio District Police Station ang mga dinakpan samtang ang mga kabog anaa sa kustodiya sa DENR-CENRO Davao.
Kasong paglapas sa Section 27 sa Republic Act 9147, o mas nailang Wildlife Resources Conservation and Protection Act ang atubangon sa lima ka mga dinakpan.
Ang Large Flying Fox, usa ka species nga protektado ubos sa Philippine law ug naila ang papel niini sa pagsabwag sa binhi nga mahinungdanon sa pagmintinar sa ecological balance.