National ID mahimo nang i-download – PSA

GIANUNSIYO sa Philippine Statistics Authority (PSA) nga mahimo nang ma-download ang digital version sa national identification (ID) card. Ang printed ePhilID ang dawaton isip ‘valid’ ug paigong pruweba sa ilhanan ug edad. Kini ang magsilbing alternatibong ID alang sa mga wala pa kadawat sa physical National ID card.

Matud ni Ismael Ramos Jr., Chief Statistical Specialist – SarGen, alang sa mga Pilipino nga nakarehistro na alang sa National ID ang maka-claim na sa ilang ePhilID sa mga gibutang nga registration center sa PSA. Giklaro ni Ramos Jr., kinahanglan nga moadto sa gibutang nga registration center sa mga naka-rehistro aron magpa-imprinta.

“May nakikita tayo sa facebook na pede daw nilang idownload yung ID no, still you’re going to registration center designated by the PSA and only the PSA could print the national ID, asoy ni Ramos Jr. Ang printed ID ang nagpakita sa impormasyon sama sa full name, sex, blood type, marital status, date ug place of birth, address, generation date, QR code ug 1×1 photo.

Aron ma-claim ang ePhilID, kinahanglang bitbit transaction slip nga nadawat gikan sa National ID. Ang nakarehistro sa PhilSys ug nakadawat na sa PhilSys Number (PSN) ang maka-vail sa ePhilID. Dugang sa opisyal, temporaryo lang kini samtang ginahulat national ID nga kasamtangang gina-imprinta karon. I Richel Gubalani