GIHULAT pa sa NBI-Sarangani District Office o NBI-SARDO ang pormal nga reklamo sa mga nabiktima sa gikaingong buy one take one lechon sa GenSan.
Segun ni NBI-SARDO head Atty.Regner Peneza nga bugtong gihimo sa mga nagreklamo ang pag-fill up sa complaint sheet ug wala pay formal nga affidavit nga gipanumpaan sa abogado.
Giklaro ni Atty.Peneza mahimo sila nga mag-imbestiga sa maong reklamo pinaagi sa pag-consolidate sa mga complaints ug ipatawag ang gireklamo pinaagi sa subpoena.
Kasong estafa o syndicated estafa ang mahimong ipasaka nga kaso batok sa gireklamo.
Nasayran nga ubay ubayng mga reklamante ang mipatim-aw sa NBI asa kasagaran mga reseller batok sa matud pa nagpaluyo sa maong modus nga nailhan sa pangalan nga Rea Roxanne Dupalco Arcamo alyas Kring Kring.
Hinuon mahimo usab daw nga magkasinabot ang duha ka grupo ug mahimong magpaluyo gihapon ang NBI ug kini dependi gihapon sa mga reklamante.