Negative RT PCR TEST pangayuon sa PRO-XI sa mga bisita o dunay transaksyon

Pangitaan na sa Police Reginal Office Office-XI og negative result sa antigen test o RT-PCR ang mga sibilyan nga mobisita o dunay mga transaksyion sulod sa headquarters.

Sumala kang PRO-XI Spokesperson Major Eudisan Gultiano, ang hugot nga polisiya gisugdan na sa pagpatuman kagahapong adlawa Mayo 26, 2021.

Gipatuman kini human namatikdan ang pagdaghan sa mga nagpositibong sakop nga na-assign sa PRO-XI kung diin moabot na sa 21 ang active case sa tibook unit.

Gitino sa opisyal nga usa kini ka preventive measure aron dili madugangan ang mga nagpositibo ug aron dili makibhangan ang pwersa

Nasayrang gawas sa mga sibilyan nga mobisita o dunay transaksyon sulod sa kampo, gimanduan usab ang mga  civilian workers sa headquarters nag magpresenta sa higayon nga mogawas sila sa kampo o muuli sa ilang mga balay.

Kahibaluang sa kinatibuk-an anaa sa 444 ka kaso ang narehistro sa PRO-XI, 418 dinhi ang nakarekober samtang duha ang nakabsan sa kinabuhi.BNFM-DAVAO

Leave a Reply

Your email address will not be published. Required fields are marked *