LEGAZPI CITY—Arestado an 53-anyos na negosyanteng si Noel Rego Petil kan Zone 2, East Matacon, Polangui, Albay makalihis na magpositibo sa mga iligal na armas.
Sa pinagsanib na pwersa kan Polangui MPS asin iba pang mga katuwang na unit kan PNP, isinerbi an search warrant kontra sa suspek para sa pagbayolar sa RA 10591 o Comprehensive Law on Firearms and Ammunition.
Narekober sa suspek an sarong “RUBY” caliber .22 revolver na kargado nin anum na bala; sarong caliber .22 rifle; sarong carbon dioxide tank; duwang kahon nin airgun pellets; sarong “ZE VII” airsoft pistol asin sarong bag nin airsoft pellets.
An suspek kairiba an mga nakumpiskar na ebidensya ipigkostudiya sa Polangui MPS para sa pagsasangat nin kaso.#