Iniimbestigahan na ng mga otoridad ang motibo sa pamamaril ng riding in tandem sa isang negosyante habang ito ay sakay sa kanyang sasakyan sa Brgy. Balele, Tanauan City, Batangas.
Kinilala ang biktima na si Jerry Ramirez y Silva, 42 anyos at residente ng naturang barangay.
Kinumpirma sa Brigada Batangas ni Lt. Col. John Rellian, hepe ng Tanauan City Police Station, nakaligtas sa naturang pamamaril ang biktima at nagpapagaling na sa ospital matapos magtamo ng mga tama ng bala sa katawan.
Ayon sa imbestigasyon, minamaneho ng biktima ang kanyang Hi-Lux pick-up bandang 10:30 noong Lunes ng umaga ng bigla na lamang na sumulpot ang riding-in-tandem sa gilid at pinaulanan siya ng bala.
Nagtuloy-tuloy sa pagmamaneho ang hindi nakikilalang suspek patungo sa Brgy. Boot ng naturang lungsod.
Naiwan namang sugatan ang biktima sa kotse na agad namang isinugod sa ospital.
Narekober sa crime scene ang anim na basyo ng bala at dalawang deformed fired bullets.
Dagdag pa Col. Rellian na posibleng may kaugnayan sa kanyang negosyo o utang ang motibo ng mga suspek.
Nagpapatuloy ang pagtugis sa dalawang suspek kasabay sa nagpapatuloy na imbestigasyon sa naturang pamamaril.
Inilunsad ng Catholic Bishops' Conference of the Philippines' (CBCP) Episcopal Commission on Liturgy ang isang…
Nanindigan ang Atin Ito! Coalition na tuloy pa rin ang isasagawang civilian mission sa West…
Nakumpiska sa mga sakop Davao City Police Office ang kapin 19 milyon kantidad sa gituohang…
SENSITIBONG BALITA: Natagpuang wala nang buhay ang 71-anyos na lola sa madamo at makawayang bahagi…
LEGAZPI CITY - Nagpahayag ng pakikiisa at suporta ang Bicol University (BU) sa Catanduanes State…
LEGAZPI CITY - Isinagawa ang isang Rural Improvement Club (RIC) Meeting at Provincial Federation Reorganization…