SUGDAN na sa konseho sa GenSan ang pag-amenda sa probisyon sa revenue code nga naa sa 23 anyos.
Matud ni Atty. Franklin Gacal Jr., city administrator nga panahon na aron bag-ohon ang pipila ka probinsiya sa 1996 Local Revenue Code.
Aron kini mahaum sa kasamtangang paninahanglan, sama karon nga gina-subsidize sa city ang central public market.
Ang maong lakang ang gipaboran sa Presidente sa GenSan City Chamber of Commerce, Inc nga si Miguel Rene Dominguez.
Butyag ni Dominguez, dili na haom sa panginahanglan sa siyudad ang mga napatik sa revenue code o regulatory taxes.
Sa bahin ni Ermil Dueñas, vendor sa palengke sa siyudad kung isaka man ang ilang rental fee, angayang himoon kining ‘reasonable’ alang kaniya. Kung ma-amendahan kini, mosaka ang renta sa mga stall sa public market, bayad sa mga puneral parlor, garbage collection, paglukat ug business permit ug uban pa. I Richel Gubalani