‘Negros Occ. ginbutang sa DOH sa Moderate Risk sa Dekta Variant

“Kon lantawon mo gid wala man kita sang ‘surge’ sa aton nga  infections diri sa Negros Occidental”.

Ini ang pahayag ni Provincial Administrator Atty. Rayfrando Diaz II sa pihak sang pagpaguwa sang Department of Health (DOH) sang mga nagkalain-lain nga resulta sang Covid-19 variant kaangday Beta, Delta kag Theta rason nga naalarma ang mga pumuluyo sa probinsya.

Suno kay Diaz ang resulta nga ginpaguwa sang DOH sandig sa resulta sang genome sequencing sang Philippine Genome Center ang kabahin sang mga kaso kun sa diin ang mga samples ginkuha sa una nga semana sang bulan sang Agosto 2021 kun sa diin tapos na ang 15 days period sang quarantine kag ang resulta sang re-swabbing sadtong Agosto 29 nagapahayag nga negatibo ang mga  pasyente nga ginasuspetsuhan positibo sang mga nagkalain-lain nga variant sang Corona virus.

Wala sapayan sang pagsaka sang local cases sa probinsya sa 854  ginpaalinton ni Diaz sa gihapon ang probinsya sa idalom sang liderato ni Governor Bong Lacson ang handa sa pagpatigayon sang testing kag pananglitan nga may mahibaluan nga infection nakahanda ang tanan nga quarantine facilities mag-asikaso sa tanan nga mga pasyente tubtub sa ila sini nga pag-ayo.

Ang Negros Occidental ang yara sa level 3 alert status bangud suno kay Diaz ini ang nahanungod sa presensya sang Delta variant apang sandig sa occupancy rate sa mga hospital sang gobierno low risk ang probinsya apang ang DOH ang nagbutang sa bug-os nga Negros Occidental sa moderate risk.