Matapos ma-bash sa social media, dinepensahan ng dating aktres na si Neri Naig ang ginawa nitong isang libong weekly meal plan para sa kayang followers sa social media.
Mababasa rito ang mga pagkaing puwede raw lutuin ng mga ina para sa kanilang pamilya, lalo na sa mga nag-aaral nilang anak.
Aniya, hindi niya ibinigay ang sample ng meal plan para sa mga bashers at hindi niya followers.
Inihandog niya raw kasi ito sa mga nanay na namamalengke kung saan pinaalalahan niya na maging wais sila sa pamimili.
Lagi niya rin dawng inaanyayahan ang mga ito na matutong magtanim sa bakuran para makatipid sa ingredients, dahilan para maging isang libo lang ang budget ng meal plan.