LEGAZPI CITY – Pigrerekognisar kan National Food Authority (NFA) an papel kan mga paraoma sa pagsiyerto kan bastaneng suplay nin bagas.
Sa intrevista kan Brigada News FM Legazpi kay NFA Albay Branch Manager Criselda Dela Torre, inanunsyar kaini na an saindang ahensya nagbabakal nin paroy sa mga paraoma sa kantidad na PHP23 per kilo + PHP3 PALLGU kan gobyerno-probinsyal.
Huli kaini, nangangapodan an NFA Albay sa gabos na mga local farmers na suportaran an saindang mandato na mamantenir an bastanteng rice buffer stock hale mismo sa mga lokal na paraoma.
Sa paagi su boot kan pagpapabakal kan local farmers nin mga aning paroy, masisiyerto kan ahensya na igwang bastanteng bagas an probinsya na ipapanao pag igwa nin mga kalamidad.