Arestado it Malay PNP sa magka separar nga manhunt operations sa Brgy. Manocmanoc ag Brgy. Yapak, Malay, Aklan ro No. 4 ag No. 6 most wanted person.
Inaresto it mga operatiba it Malay MPS ro 25 anyos nga akusado sa bisa it warrant of arrest para sa kaso kara nga 4 counts of rape ag owa it piyansa.
Ro 25yo nga akusado hay No.4 most wanted sa municipal level ag naaresto raya sa Sitio Bantud, Brgy. Manocmanoc, Malay, Aklan.
Samtang, inaresto man ro 29 anyos nga eaeaki nga No. 6 most wanted person sa municipal level, sa Bgy. Yapak, Malay, Aklan.
Ro nasambit nga wanted person hay may warrant of arrest para sa kasong Rape nga pag eabag sa R.A 7610 para sa daywang (2) counts it Sexual Assault nga may gin-rekomendang P200,000.00 nga piyansa, para sa bawat count.
Ro mga akusado hay gindaea sa Malay Police Station para sa documentation ag disposisyon. // ANN DESLENE SALAZAR