BNFM BICOL— Huli sa padagos na paglangkaw kan kaso nin COVID-19 sa rehiyon Bicol urog na sa National Capital Region, inanunsiyo ni Catanduanes Gov. Joseph Cua na maigot na nindang ipapautob ang “No COVID-19 Test, No Entry” Policy sa gabos na mga mapulbar na maglaug sa probinsiya nin Catanduanes.
Sa pahayag kan gobernador, puon kaning nakaaging Lunes, Mayo 3 kan saindang ipinautob an siring na polisiya. Huli kaini, kinakaipuhan nang mag presenta ning negatibong resulta nin RT-PCR test o Antigen Test an gabos na mga inbound passengers, mapahali man sa laug kan Bicol o maging sa luwas kan rehiyon.
Huli man kaniyo, dae naman ma issue ang probinsiya nin Letter of Acceptance hale sa laug kan probinsiya.
Dugang pa kan opisyal, gabos na mga rekisitos kan mga biyahero kaipuhan nang i-upload sa saindang pag enroll sa S-Pass system kung sain pagkatapos kan saindang aplikasyon, kaipuhan na lang halaton ang notipikasyon kung aprubado o denied ang pagparibod kan sarong biyahero sa luwas asin laug kan probinsiya bago ma isyuhan nin Travel Coordination Permit.