LEGAZPI CITY – Uminabot sa 110,582 an numero kan mga bagong botante na nagparehistro sa Commission on Elections (COMELEC) Bicol Region puon kan Pebrero hasta kan Mayo 4 ngunyan na taon sa isinasagibong satellite registration sa mga malls asin barangay sa rehiyon.
Sa intrevista kan Brigada News FM Legazpi kay COMELEC Bicol Regional Director Atty. Ma. Juana Valeza, sinabi kaini, pinakadakol na nagparehistro sa Camarines Sur na may 33,393, sinundan kan Albay na may 28,353, Masbate na may 20,072, Sorsogon na igwang 14,481, Camarines Norte na may 10,470 asin an Catanduanes na may 3,813.
Labi 80,000 na mga Bicolano an mga nahale na sa saindang computer system na dae nakapagboto nin duwang beses sa eleksyon asin sa ngunyan, nakapag-schedule naman an mga barangay na magkondusir nin satellite registration tanganing makapagrehistro an mga dae pa nagpaparehistro sa saindang lugar.