Nurse group, nanawagang ibigay na ang backpay mula Jan 2020

Nanawagan ang Filipino Nurses United (FNU) sa gobyerno na ilabas ang retroactive pay ng mga nurses simula noong January 2020, bilang pagsunod sa memorandum ni Executive Secretary Salvador Medialdea noong June 1, 2021, na nagtatakda sa sahod ng entry level nurses sa Salary Grade 15 (P32,000) mula sa Salary Grade 11 (P22,000).

Ayon sa FNU, ang memorandum ni Medialdea ay consistent sa desisyon ng Supreme Court noong October 2019 na nagtatakda sa base pay para sa mga nurses sa government institutions sa Salary Grade 15 alinsunod sa 2002 Philippine Nursing Act.

Dahil dito, hinihimok ng naturang organisasyon sa gobyerno na tiyaking ang lahat ng nurses sa public sector ay natatamasa ang pagtaas ng entry salary sa SG 15 para sa mga bagong nurses na mayroong Nurse 1 positions, kabilang na ang mga nasa local government units, maging ang mga walang employee-employer relationship.

Ang memorandum ni Medialdea ay nagbabaliktad sa DBM Circular 2020-4 na nagdedemote sa mga Nurse 2 hanggang 7 rank sa isang lower rank sa kabila na ipapanatili ang kanilang salary bago ang demotion.

Giit ng FNU, halos dalawang dekada na hinintay ng mga nurses ang kanilang salary increase, sa kabila na ang Nursing law para dito ay naipasa noon pang 2002. // MHEL PACIA-TRINIDAD

Leave a Reply

Your email address will not be published. Required fields are marked *