Sunog ro bieog nga eawas it sambilog ka Overseas Filipino Worker nga taga-Guimaras matapos masunog ro anang boarding house sa Pakistan bangud sa nagasungaw nga gas.
Ginkilaea ro babaye nga biktima nga si Lucia Tacaisan it Brgy. Bugnay, Jordan, Guimaras.
Base sa pamilya it biktima nga sambilog man ka OFW sa nasambitan nga nasyun, day off ni Lucia kat matabo ro insidente.
Nag-uli sa anang boarding house ag kat ginbuksan nana ro iwag bigla eun eamang nagdaba-daba ro bieog nga ugar.
Ginpahayag man nga bago ro insidente, nagreklamo eun segun si Lucia nga may nagasungaw nga gas anang boarding house pero ginabalewala eamang raya it anang caretaker.
Ginsugod pa sa ospital ro OFW pero ginbawian man raya it kabuhi dahil sa mga patal nga nina.
Ginsabat man it employer ag agency ro pagpauli sa bangkay ni Lucia.
May nabayaan nga tatlo ka unga ro OFW./JIL B. LACSON