Nanindigan si Ombudsman Samuel Martires na hindi nito ilalabas ang Statement of Assets, Liabilities and Net Worth ni Pangulong Rodrigo Duterte, bilang pagsunod sa Memorandum Circular No. 1 na siyang naglilimita sa publiko na makakuha ng kopya ng SALN ng mga opisyal ng gobyerno.
Ito ay bilang tugon sa naunang pahayag ng Palasyo na Ombudsman na ang bahala kung ilalabas nito ang SALN ng Pangulo.
Ayon kay Martires, may kondisyon sa nasabing circular na kailangang sundin upang mapayagan nilang ilabas ang SALN ng isang opisyal ng gobyerno.
Hindi rin umano siya papalag kung sakaling siya ay tanggalin sa kaniyang puwesto dahil sinusunod lamang niya ang nakalagay sa polisiya na sinimulang ipatupad noong Setyembre ng nakaraang taon.
Kinuwestyon rin ng Ombudsman kung bakit interesado ang publiko sa SALN ng presidente at bise presidente.
Sinagot naman ito ni Bayan Muna party-list Representative Carlos Isagani Zarate at sinabing ang paglabas sa SALN ng mga opisyal ng gobyerno ay para sa transparency at accountability ng mga ito.
Ipinatawag ng Department of Foreign Affairs si Zhou Zhiyong mula sa embahada ng China sa…
Isinailalim na sa medical at booking procedure sina Deniece Cornejo at Simeon Raz - dalawa…
Wi-nelcome ng actor-host na si Vhong Navarro ang naging desisyon ng Taguig Regional Trial Court…
Kinondena ng Kabataan Partylist ang umano'y ilegal at marahas na pag-aresto sa mga kabataan na…
Kinilala ni Philippine Coast Guard District (PCG) NCR-CL Commander Arnaldo Lim ang mga personnel nito…
Naniniwala si Senate Minority Leader Koko Pimentel na karapatan din ng bansang magkaroon ng sarili…