MALINAO,AKLAN—Sinuspende it sang buean ru operasyon it makontrobersyal nga restaurant sa Malinao umpisa February 16-March 16, 2024.
Sa kompermasyon ni Brgy. Capt Jerome Iscala it Barangay Poblacion Malinao sa BRIGADA News FM Kalibo, naghimo it action ru LGU-Malinao sa pag pamuno ni Mayor Josephine Iquiña, PNP, GAD, VAW Chair it Sangguniang Bayan it Malinao ag MSWD.
Iga paidaeom sa counselling ru management it restaurant sa pagpamuno it MSWD Chair ag RHU-Head dahil sa trauma nga gina atubang it pamilya samtang naga padayon ru suspension it operasyon.
Nagpaguwa eon it high level warning ru Malinao MPS ag iba pang taeatapan nga mapilitan sandang magpasaka it kaso oras nga paga umanon ru pag pangbastos nga promo sa mga kababayen-an.
Kun matandaan, nag viral sa social media ru Valentine Promo it restaurant matapos mai post nga naga kombensi sa mga babayeng costumer nya ipapakita ru maselang parte it kaeawasan katumbas it libreng Valentine Treat.
Target konta it restaurant nga kombensihon ru mga costumers apang nauli sa ma kontrobersyal nga issue.//MARIVIC Y. ILIN