Operasyon sa mga resorts sa Samal, gihunong

Subling gihunong ang tanang operasyon sa mga resorts sa Island Garden City of Samal kon IGACOS tungod sa padayong pagdahan sa kaso sa COVID-19 sa isla ug kasikbit nga mga local government units (LGUs).

Lakip sa gisuspendi ang private gatherings ug parties sa mga private resorts ug establishments  base sa executive order nga gipagawas ni Mayor Al David Uy sa milabayng mayo 30, 2021.

Base sa rekord sa City Investment and Tourism Office (CITO), natala ang kalihukan sa mga turista sama sa paglusad og summer outings, gatherings ug ubang kasaulugan nag usa ka potential nga Covid-19 spreader.

Hinoon gitataw sa EO nga exempted ang mga DOT Star-rated Resorts ug makapadayon sa ilang operasyon human sila nahatagan og sertipikasyon gikan sa Department of Tourism (DOT) pinaagi sa  Staycation Program sa ahensya.

Tungod niini gihunong una ang pre-bookings samtang ang mga confirmed bookings ug approved Tourist QR Codes ang gikansela usab.

Gitahasan na usab ang PNP Tourist Police, Samal Task Force, Philippine Coast Guard, Barangay Officials ug  City Tourism and Investment Office (CITO) nga i-monitor tanang resorts ug tourism establishments arun masigurong nasunod ang mando.

Sa pikas bahin, suourtado usab sa DOT_XI angkamadunan sa IGACOS LGU ingon ug alang sa kalusawan sa publiko og mga residente sa lugar. Base sa record sa ahensya anaa sa 130 tourism establishments ang apektado sa bag-ong mando sa isla.BNFM-DAVAO

Leave a Reply

Your email address will not be published. Required fields are marked *