CAMARINES NORTE- Simula ngayong araw ay pansamantalang isinara sa publiko ang tanggapan ng Philippine Health Insurance Corporation sa Camarines Norte hanggang sa muling magpalabas ng panibagong abiso ang naturang tanggapan
Ito ay matapos magpositibo sa COVID-19 ang isang empleyado nito sa isinagawang RT-PCR Swab Test
Base sa ipinalabas na official statement ng Philhealth, magsasagawa ng disinfection sa nasabing tanggapan gayundin para sa gagawing contact tracing sa mga posibleng naging direct contact ng nagpositibo
Tiniyak naman ng naturang tanggapan na ang lahat ng mga kinakailangang health protocol ay ipapatupad alinsunod na rin sa direktiba at guidelines ng Department of Health upang maprotektahan ang mga kliyente at personnel.
Samantala, nagabiso naman ang Philhealth sa lahat ng kanilang mga miyembro na may mga transaksyon sa ngayon na makipagugnayan sa kanilang Billing/ Philhealth Section of Healthcare institutions na syang magpapadala ng mga dokumento sa kanilang LHIO staff para sa agarang pagpoproseso
Maaari dng direktang magpadala sa email at telepono na ibinigay ng Philhealth