Sa layuning mapataas ang kalidad ng pamumuhay ng mga nakatira sa mga isla sa Sorsogon, bubuo ng isang opisina ang Pamahalaang Lalawigan.
Ang nasabing tanggapan ang tututok sa pagpapaunlad ng mga isla sa probinsya.
Sa pag-usad ng Resolution sa Sangguniang Panlalawigan na syang magiging gabay sa nasabing opisina, kabilang sa bubuuin ang Calintaan-Calayuan Island Development Administration o CCIDA na sya namang magsisiguro na maayos na naipapatupad ang mga proyekto sa isla tulad ng Health care, edukasyon, mga pabahay, pagkakaroon ng kuryente, malinis na tubig, social welfare, kalinisan, waste management at transportasyon.
Tutulong din ang opisina sa pagbuo at paglikha ng mga trabaho sa isla at iba pang business opportunities.