GITAKTAK sa pwesto sa labaw sa kapulisan sa rehiyon-12 ang force commander sa Sultan Kudarat Provincial Mobile Force Battalion (SKPMF) nga si PLt.Col. Jose Marie Simangan.
Matud ni Police Brig. Gen. Jimili Macaraeg, director Police Regional Office (PRO-12) gitaktak niya si Simangan human pakyas nga makapatuman sa estriktong border checkpoint protocols.
Dugang ni Macaraeg, ang iyang lakang ang nagpasabot nga kinahanglang himoon sa mga sakop og maayo ang ilang trabaho.
Gihingusgan niini nga dili angayang huyang ang pagpatuman sa seguridad aron masigurong maprotektahan ang publiko.
Bag- o si Simangan, una nang, gitaktak sa pwesto ni Macaraeg ang hepe sa President Roxas Municipal Police Station human pakyas nga makatuman sa programa niining pagpananum og bulak nga bombil. I Richel Gubalani