LEGAZPI CITY – Pupunan na ngunyan na aldaw nin Biyernes, Oktubre 20 an nationwide operation kan Oplan Baklas kan mga ilegal campaign materials segun sa Commission on Elections (COMELEC) Bicol.
Sinabi ni COMELEC Bicol Regional Director Atty. Ma. Juana Valeza, an COMELEC offices kan kada probinsya, banwaan, syudad kasabay an mga task force, asin PNP matuwang sa nasambit na operasyon.
Obheto kaini na halion an mga ilegal o an mga poster na nakadukot sa dai dapat na bugtakan kan mga ini, campaign materials na sala an sukol, asin iba pa.
Mahihiling sa operasyon kun sisay an mga kandidato na dai nagsusurunod sa mga regulasyon kan COMELEC.
Segun pa kay Valeza, sa oras may manutaran sindang pagbalgar, papadarhan ninda ini nin surat na halion asin ipapaeksplikar sainda sa paagi kan sa show cause order.