Nagapadayon ang mass rabies vaccination drive nga ginahiwat sang Capiz Provincial Veterinary Office kaupod ang tagsa ka mga local government units sa probinsya.
Ini ang nangin pahayag ni Dr. Cheyslee Descalsota, Veterinarian III kag Small Animal/Rabies Prevention and Control Program Coordinator sang OPVET Capiz sang mainterview sang Brigada News FM Roxas City.
Suno kay Descalsota, base sa ginasunod nga programa sang talatapan mahimo mapabakunahan ang mga ido kag kuring nga nagaedad 3 ka bulan pataas pero dapat healthy ang mga ini sa tion sang pagbakuna kag pagasundan naman sang booster dose kada tuig.
Ginpahayag man sini, nga libre kag wala sang bayad ang house to house rabies vaccine kasubong man sa mga walk-in clients nga luyag magdala sang ila mga pets sa OPVET Office pinaagi sa paghatag sang nagakaigo nga nutrisyon kag indi pagpabay⅕magluwas lang sa certification fee nga ginasukot sa opisina.
Panugyan man ni Descalsota, nga mangin responsible nga pet owner -an ang mga pets nga maglagaw sa guwa tungod ini ang rason kun ngaa man nagasaka ang numero sang layaw kag mas nagalapta ang rabies.
Sa datos sang opisina, tuig 2023 nagdangat lang sa 26% ang nabakunahan sang rabies vaccine malayo sa 70% nga target population sa bilog nga probinsya.| Ken Mark Gicalde