VIOLATIVE sa Ordinance number 23 series o 2020 nga gabawal sa pagpasulod sa mga baboy ug pork products sa GenSan gikan sa red zones o infected sa ASF ang Executive Order 1 nga gipagawas ni Mayor Lorelie Pacquiao kaniadtong Hulyo 4, nga nagtugot ang pagpasulod sa mga baboy ug pork products sa syudad.
Kini ang gitino ni Kagawad Atty. Jose Edmar Yumang nga husto ang gipasibaw ni Kagawad Atty.Kan Balleque nga gahangyo sa mayor sa pag-revoke sa maong EO tungod nakalapas sa City Ordinance number 3 ug gikabalak-an nga dili na unya makontrola ang ASF sa GenSan.
Dugang ni Yumang, if dili i-revoke ang maong EO, ug nasulti usab ni Atty.Jeng Gacal, legal consultant nga dili kini himuon sa mayor muhimo og lakang ang Sangguniang Panlungsod isip collegiate body.
Mahimo usab daw muduso og resolusyon sa pagdangop sa korte sa pag-validate o invalidate sa maong EO.
Luyo nga nagpabilin nga gipatuman ang EO number 1 ug Ordinance number 23, mas molabaw matud pa ang ordinansa nga giaprobahan sa konseho ug dili mahimong baliwalaon sa mayor.