Pasado na sa second reading sa 19th Davao City Council kaganihang hapon ang sugyot balaudnon nga magpahamtang og silot sa mga close contacts sa COVID-19 patients lakip ang F2 ug F3 contact nga mobalibad sa RT-PCR testing.
Base sa ordinansa, mamahimong silutan og P5,000.00 ang mga F1 o direct contact kung magdumili sa pagpa-swab.
Samtang ang F2 ug F3 o contact sa first ug second generation contacts ang makamulta og tres mil pesos ug kun ugaling menor de edad ang makasupak, ang mga ginikanan o guardian ang manubag sa sa silot.
Kahibaluang nagduso sa maong ordinansa si Konsehal Mabel Acosta, chairperson sa Committee on Peace and Public Safety nga gibase sa Executive Order No. 20-A ni Davao City Mayor Inday Sara Duterte ug hangyo sa Davao City COVID-19 Task Force.
Tumong sa balaudnon nga makatabang sa lokal nga panggamhanan sa pagkontrola sa transmission sa COVID-19. BNFM-DAVAO
