LEGAZPI CITY – Aprubado na sa Sangguniang Panlalawigan kan Albay (SPA) an resolusyon sa ordinansa manungod sa pagtatao nin travel allowance sa mga Persons with Disability (PWDs) sa Guinobatan, Albay.
An nasambit na resolusyon, pigpresentar kan Chairman of the Committee on Senior Citizens and Persons with Disability, Board Member Jesus Salceda.
Inapod ining Municipal Ordinance 001-2024 o “Strengthening the Persons with Disability residents of 44 Barangays of Guinobatan, Albay for providing them the necessary Travel Allowance, Appropriating Funds Thereof and for Other Purposes.”
Kada bulan, makakaresibe an mga PWDs sa banwaan nin PHP500 na travel allowance, asin nagpromesa man an gobyerno probinsyal na susuportaran asin tatawan nin dugang na poder an komunidad kan mga PWD sa probinsya.