Plano sa Cebu Provincial Government nga subling paliton ang nanghinobra nga suplay sa mga utanon gikan sa lungsod sa Dalaguete, habagatang Sugbo.
Kini aron makabawi ang mga mag-uuma sa ilang gigasto sa ilang pagtanum.
Ang maong lakang sa kapitolyo himuon human adunay pipila ka tonelada sa mga utanon ang giingong nangalata na sa mga umahann sa Dalaguete tungod sa kakuwang ug mga buyers ug sa kadaghang suplay nga miresulta usab sa ka-ubos sa presyo.
Gani giingong ang presyo sa mga repolyo, miabot ug P6 ang matag kilo tungod sa kadaghang suplay.
Subay niini, misaad si Governor Gwendolyn Garcia ngadto ni Dalaguete Mayor Jeffrey Belciña nga tabangan niya ang mga mag-uuma diin paliton nila ang mga agricultural crops ug e-donar ngadto sa mga charity.
Kahinumduman nga niadtong Hulyo sa milabay nga tuig, ang kapitolyo, nakapalit usab ug 35 ka tonelada nga repolyo sa mga mag-uuma sa Dalaguete nga nagbalor ug P280,000 tungod gihapon sa kadaghan ug suplay.