KALIBO, AKLAN—“Owa it province wide lockdown kundi nga mas strikto nga restrictions bangud sa padayon nga pagsaka it kaso it COVID-19 sa probinsya it Aklan.
Raya do pagklaro ni Governor Florencio Miraflores matapos nga magpaguwa it Executive Order No. 005-C ku June 8, 2021.
Suno pa kana, igapatuman do nasambit nga mandu sa sueod it daywang dominggo ag makarun hay owa pa it planong i-lockdown do bilog nga probinsya.
Kinahangean sigon nga mag-strikto bangud nga nangin kampante eon do pilang Aklanons ngani nga nag-inabo do natapnan it deadly virus kung siin as of June 9,2021 sumaka eon sa 2,823 do total confirmed cases sa Aklan ag 528 pa kara do aktibong kaso ag do 67 do COVID-19 related deaths.
Samtang, kaibahan sa mga ginapatuman sa probinsya sandig sa EO hay ginabawaean nga magguwa do mga nabdos, persons with comorbidities, below 15 years old ag 65 years old and above mag-eowas eamang kung essential needs.
Ginapatuman man do liquor ban, mass gatherings, cultural celebrations ag kung magaadto sa ibang lugar, kinahangean nga mag-presentar it travel pass. // SHERRY ANNE REUNIR-VIDAL