BICOL – LIWAT na tinawan nin pagrekonusir kan Overseas Workers Welfare Administration o OWWA a dakulang kontribusyon kan mga Bicolano OFWs sa pag-uswag kan nacion tahaw kan covid-19 pandemic.
Kasabay ini kan nagng pagcelebrar kan OWWA-Bicol kan 2021 Migrant Workers’ Day na inatendiran nin nagkapirang mga program-beneficiaries asin nagkapirang empleados kan ahensya.
Maabot man sa siento sitenta y sieteng mga benepisyaryo nin man iba ibang mga programa kan OWWA an nag atendir man tanganing resibihon an saindang mga financial assistance sa paagi kan check payment.
Kompwesto nin siento singkwenta y unong recipients kan Welfare Assistance Program – Calamity, 1katorseng benepisyaryo nin Balik Pinas, Balik Hanapbuhay Program, tig-apat na recipient nin Project EASE asin NRCO’s Balik Pinay, Balik Hanapbuhay Program mantang may tig saro para sa Educational Development Scholarship Program asin NRCO’s Livelihood Development Assistance Program.
Naging mahigpit man an ipinautob na healthy asin safety protocols sa venue kan selebrasyon kun saen pigcierto na masusunod an saindang time schedules siring man an tamang pagsusulot nin PPEs asin physical distancing.
Inabisuhan man an mga benepisyaryo na bayaan tulos an venue oras na maresibe na an mga tseke.
Tema kan Migrant Workers’ Day ngunyan na taon iyo an “Salamat sa tibay, galing at pagmamalasakit mo, Kabayan.”
