SIKOP ang 50 katao sa 27 anti –illegal drugs operation nga gilusad sa Philippine Drug Enforcement Agency (PDEA) 12 gikan Enero 1 hangtud Mayo 16, 2023.
Matud ni PDEA-12 Spokesperson Kath Abad, pipila niini ang solo nga operasyon sa ahensiya asa ang uban joint operation sa uban pang law enforcement Unit.
Ang 27 ka mga operasyon ang miresulta sa pagkakumpiska sa mukabat kapin kon kulang P1.678 million kantidad sa gidiling droga sama sa shabu ug marijuana.
Dugang ni Abad napasakaan na og kaso ang 50 ka gituohang drug personality nga nasikop. Pipila usab ka mga drug den ang nakumpiska sa operasyon sa tibuok Soccsksargen region. Samtang mukabat na usab sa 112 ka mga kaso ang ilang na-file ngadto sa korte. I Richel Gubalani