Mokabat sa P1.72M kantidad sa misdeclared “Frozen Frigate Tuna” ang nakumpiska sa Bureau of Customs-Port of Davao sa Davao International Container Terminal (DICT) sa Panabo City, Davao del Norte.
Sa report gikan sa BOC-Davao, niabot sa DICT ang container van karga ang gideklarang “Frozen Malt” apan gipakanaugan og Pre-Lodgment Control Order ang consignee.
Gipaubos sa 100% physical examination ang mga kargamento ug nadiskubre ang mis-declared 2,300 ka kahon sa “Frozen Frigate Tuna” nag wala maapil sa Sanitary and Phytosanitary Import Clearance (SPSIC) ug Landing Permit gikan Bureau of Fisheries and Aquatic Resources (BFAR) XI.
Una niini nagpagawas si District Collector Atty. Austria og Warrant of Seizure and Detention (WSD) nbatok sa susamang transaksyon nga tataw paglapas sa Section 1400 “Misdeclaration of Goods Description” sa Republic Act No. 10863 o naila nga Customs Modernization and Tariff Act (CMTA).
Sa laing bahin, ang disposal sa mag nakumpiska nga kontrabando usab ang himoon base sa pagdetermina sa regulatory agency nga gilatid sa Section 1148 sa RA 10863.