MABULUKON nga kasaysayan ug kultura sa Gensan subling ibida sa taliabot nga Kalilangan Festival karong bulana.
Buhi nga kultura, sining ug kasaysayan sa subling pagpahigayon og garbo nga selebrasyon sa Kalilangan festival sa GenSan.
Matud ni Atty. Franklin Gacal Jr., city administrator LGU-GenSan sama kaniadto pang-blockbuster gihapon ang mga himoong aktibidad sa selebrasyon sa tinuig nga festival.
Ang Mindanao State University (MSU) GenSan gihapon ang organizer sa mga aktibidad sa festival.
Mokabat usab sa P11 milyon ang gigahin nga budget sa city government alang sa 2024 Kalilangan festival sa Pebrero 22-27.
Una nang, gibutyag ni Police Col. Nicomedes Olaivar Jr., director sa General Santos City Police Office (GSCPO) nga padayon ang ilang pulong kauban ang Task Force- GenSan. Tumong masiguro nga han-ay ang ipatuman nga seguridad sa tanang aktibidad. I Richel Gubalani