Preso sa Mambusao Municipal Police Station ang isa ka Street Level Individual (SLI) matapos nadakpan sa ginkasa nga drug buy bust operation sang gintingub nga pwersa sang Mambusao PNP, Sapian PNP kag Sigma PNP sa Brgy. Atiplo, Mambusao, Capiz takna alas 4:29PM kahapon sang Sabado, Marso 9.
Ginkilala ang nadakpan kay alyas “Niño,” 29-anyos kag residente man sang nasambit nga lugar.
Narekober sa iya paghinakop kag kontrol ang anom (6) ka sachets sang ginasuspetsahan shabu lakip na ang nabakal sang police poseur buyer, P1,500 nga buy bust money kag isa ka pouch.
Ginabanta nagabug-at sang 5 gramos ang nakumpiskar nga iligal nga droga kag nagabalor sang P34,000.
Magapangatubang ini sang kaso nga paglapas sa Republic Act 9165 ukon Comprehensive Dangerous Drugs Act of 2002. | Judy Ann Juare