Nagpabilin pa gihapon ang tanyag nga makadawat og P350,000 ang si kinsa mang makatudlo o makahatag og impormasyon kalabot sa kamatayon ni Barangay 9-A Kapitan Roderico Llubit.
Alayon niini, mihangyo ang Davao City Police Office ( DCPO) sa mga adunay impormasyon nga makig-alayon kanila aron muisbog na ang kaso sa kapitan.
Gipasalig ni DCPO City Director Police Col. Kirby John Kraft, nga hatagan og igong proteksyon ang mga mosaksi sa krimen aron mahatagan na og hustisya ang nakahaya nga Kapitan.
Sa karon padayon gihapon ang pagpangaylap og ebidensiya ingon man intelligence gathering sa SITG nga gimugna og gitahasang mosulbad sa krimen.
Nasayrang sa umaabot Hunyo 4, 2021 adlawng Biyernes ihatud na sa iyang ulahing kapahulayan sa San Pedro Memorial si Kapitan Tata Llubit.