Mukabat sa P48.9 Million nga kantidad sa counterfeit goods gikan sa Bangladesh ang nakompiska sa Bureau of Customs sa Sub-Port of Mindanao Container Terminal, sa Tagoloan, Misamis Oriental.
Ang maong shipment, dunay sulod nga 288 cartons sa mga pantalon nga adunay brand nga “Zara” ug 342 cartons sa shirts nga adunay brand nga “Guess.”
Una niini, gi-isyuhan ni District Collector Alexandra Yap-Lumontad og Pre-Lodgement Control Order ang nahigsutang shipment gumikan sa posibleng paglapas sa R.A. 8293 o Intellectual Property Code of the Philippines, in relation sa Section 118 of the Customs Modernization and Tariff Act.
Gipasalig karon ni Commissioner Bienvenido Rubio nga mas pahugtan pa nila ang kampanya batok sa mga illegal nga mga produkto, diin gipahimangnoan usab ang publiko nga dili mupalit sa illegal nga produkto. -END-