LEGAZPI CITY – Maabot sa poko mas omenos PHP50,000 na kantidad nin pigtutubudang “shabu” an nakumpiskar kan mga otoridad sa duwang drug peddlers sa Brgy. Bagumbayan, syudad nin Ligao sa probinsya kan Albay.
Binisto an mga suspetsadong sinda alyas “Ed”, high-value individual asin an street-level individual na si alyas “Jul”.
Susog sa report, naarestar an mga ini sa paagi kan operasyon kan pinagsarong esfuerso kan Ligao CPS, CIDG, asin iba pang yunit kan mga otoridad sa nasambit na lugar.
Mientras, kasabay pa sa mga nakumpiskar kan mga operatiba an 0.37 grams nin marijuana.
Nahahampang an mga ini sa kasong pagbalgar sa RA 9165 o an Comprehensive Dangerous Drugs Act of 2002 asin kapot na an mga ini kan mga otoridad kaibahan an mga narekober na ebidensya para sa magkakanigong disposisyon.