Matapos ma presentar sa korte bilang ebidinsiya ang mga narekober nga mga illegal drugs, ini ang pagasunogon subong nga hapon Nobyembre 26 sa San Carlos Bio-Energy Incorporated.
Nagabalor sang P53,380,084.15 ang balor sang shabu kag nagabug-at sang 6,280.99 grams samtang P64,167 kag nagabug-at sang 427.73 grams sang marijuana ginguba pinaagi sa “thermal heat” sini nga hapon.
Suno sa kay Philippine Drug Enforcement Agency Region 6 spokesperson Shey Tanaleon nga ang ginsunog nga illegal drugs naggikan sa mga anti-drug operations humalin pa sang tuig 2012 kag may yara na sang court order nga ini ang pagasunugon.
Dugang pa ni Tanaleon nga ang planta sang San Carlos Bio Energy Inc. ang nakapasar sa standards sa evaluation sang PDEA kag safe nga diri sunugon ang mga illegal drugs sandig sa pagsulondan sang R.A.9165.
Ang amo nga aktibidad gintambong sang mga PDEA Officials, Forensic Speacialists sang PNP Region 6 Crime Laboratory, representative halin sa Public Attorney’s Office, City Prosecutor’s Office, Non-Governement Organization kag City Officials sang San Carlos sa pagpanguna ni Mayor Renato Gustilo.