Naharang sa duha ka mga entry point sa dakbayan sa Davao ang P60, 000 kantidad sa shabu ug armas gikan sa duha ka mga suspek.
Gumikan sa mas gipakusgan pa nga security checks sa tanang Entry Points sa syudad, nadakpan sa mga sakop sa Task Force Davao (TFD) ug Davao City Police Office (DCPO)sa managlahing checkpoint ang duha ka mga dinakpan.
Naharang sa Lasang Entry Point ang usa ka Ricky Sapida Yu, 33, sakay sa Public Utility Van pasulod sa Davao City niadtong Disyembre 5 sa gabii ug nakuha gikan kaniya ang gituohang shabu nga mubalor sa Php 60,960.00).
Samtang niadtong Disyembre 4 sa buntag, naharang sab sa Brgy San Isidro, Bunawan District nga entry point ang usa ka Bernie Laindag Olivo, 36 years old, nga taga- Purok 9, Brgy Mahayag, sakay sa iyang motorsiklo pasulod sa Davao.
Nakuha sa iyang posisyon ang usa ka unit sa Cal .45 pistol nga dunay magazine nga giundan sa tulo ka mga bala.
Kasamtangan, ang mga dinakpan ang gikustodiya na sa Bunawan Police Stations ug gikatakdang pasakahan og kaso.